Бу йилги Ҳаж мавсумида Янгиқўрғон туманидан 100 нафар кишига муборак ҳаж сафарига бориш, табаррук Каъбатуллоҳни зиёрат қилиш бахти насиб этди.
Бугун уларнинг яна бир қисми тумандаги 1-сонли касб-ҳунар мактабида туман ҳокими А.Нажмиддинов бошчилигида туман ҳокимлиги вакиллари, яқинлари томонидан кутиб олинди. Дуога қўл очган ҳожилар юртга тинчлик, тараққиёт, элга омонлик тиладилар.
-Президентимиз Шавкат Мирзиёевнинг саъй-ҳаракатлари билан Ўзбекистонимизни дунё мамлакатлари ичида қанчалик мустаҳкам обрў-эътиборга эга эканлигига ўша ерга борганда яна бир карра ҳис қилдик. Шундай давлат фуқаролари эканлигимиздан ғурурландик, инсон қадри улуғланган юртимиз истиқболи учун дуода бўлдик,-дейди шукроналик билан Тўлқин Матҳолиқов.
Зиёратингиз ижобат бўлсин, азиз юртдошлар!