Айни кунларда Янгиқўрғон туманида туманнинг ўзига хос брендига айланган қора ғайноли ҳосилини териб олиш ишлари қизғин кечмоқда.
Ва ўз навбатида уларни қуритиш, экспорт қилиш каби мавсум юмушлари ҳам кун тартибидаги асосий масалалардан жой олган.
Бу борада "Бунёдкор" кичик саноат зонасида жойлашган, 547 та қуритиш камераларини ўзи ичига олган 99 та мевани қайта қуритиш корхоналари туну кун фаолият юритаётганини алоҳида тилга олиш жоиз. Мазкур корхоналарда бир кунда жами 2700 тонна мевани қуритиш имкони мавжуд.
Туман раҳбари Асадулло Нажмиддинов бугун ану шу корхоналарда бўлиб, иш жараёнларини кўздан кечирди.
Хусусан, "Аббасов Абдулатифхон" МЧЖ раҳбари билан мулоқотда бўлган А.Нажмиддинов қуритилган меваларни экспорт қилиш масалаларини муҳокама қилди.