Давлат дастурлари ижроси юзасидан амалга оширилаётган қурилиш-таъмирлаш ишлари Янгиқўрғон туман прокуратураси томонидан мунтазам ўрганиб борилмоқда.
2023 йил 1-мавсумда “Ташаббусли бюджет” портали орқали ғолиб бўлган таклифларни ишчи гуруҳ хулосаларига асосан, энг кўп овоз олган, қиймати 37,2 млрд. сўмлик 32 та лойиҳалар тасдиқланди.
Хусусан, бугун туман прокурори Қ.Ахмаджанов ва туман қурилиш штаби ишчи гуруҳи томонидан “Ташаббусли бюджет” дастурига асосан “Гулшан” МФЙда жойлашган 38-умумтаълим мактабининг моддий-техник базасини янгилаш ва эшик деразаларни акфа ромларига алмаштириш ҳолати ўрганилди.
Шунингдек, “Ғалаба” МФЙда жойлашган 26-умумтаълим мактаби биносининг том қисмини таъмирлаш ишлари билан танишилди.
Ўрганишда, қурилиш жараёнида лойиҳа ҳужжатларига риоя этиш, бюджет маблағларини мақсадли сарфлаш, ишларни сифатли ва муддатида бажариш ҳамда аниқланган 3,5 млн. сўмлик сифатсиз ишлар юзасидан масъулларга тегишли тавсия ва кўрсатмалар берилди.