Бугун Халқ депутатлари Янгиқўрғон туман Кенгашининг 53-сессияси бўлиб ўтди.
Сессияни туман ҳокими, Халқ депутатлари туман Кенгаши раиси Асадулло Нажмиддинов очиб берди ва олиб борди.
Сессия кун тартибидаги масалалар юзасидан туман Иқтисодиёт ва молия бўлими бошлиғи Б.Боймирзаев 2024 йил учун маҳаллий бюджетини тасдиқлаш тўғрисида маъруза қилди.
Шундан сўнг туманда 2024 йил учун юридик ва жисмоний шахсларнинг қишлоқ хўжалигига мўлжалланган ерлар учун базавий солиқ ставкаларини белгилаш масаласи муҳокама қилинди.
Сессияда, шунингдек, қишлоқ хўжалигига мўлжалланган ер майдонларидан самарали фойдаланиш, ҳудудларни ихтисослаштириш, бўш турган, заҳирадаги ва келгусида заҳирага олинадиган ер майдонларида қишлоқ хўжалиги корхонасини ташкил этиш учун очиқ электрон танловга қўйиш масаласи ҳам кўриб чиқилди.
Сессия якунида кўрилган барча масалалар юзасидан тегишли қарорлар қабул қилинди.
Янгиқўрғон тумани ҳокимлиги Ахборот хизмати