Сўнгги янгиликлар
Янгиликлар
Barchamizga ma`lumki eski taxrirdagi mehnat kodeksiga asosan alohida hollarda mehnat shartnomasi bekor qilinganda ish beruvchi tomonidan xodimga o`rtacha oylik ish xaqi miqdorida ishdan bo`shatish nafaqasi to`la berilishi belgilab o`tilgan edi. Xozirgi amaldagi mehnat kodeksida esa ushbu ishdan bo`shatish bilan bog`liq xodimga to`lanishi lozim bo`lgan ishdan bo`shatish nafaqalar miqdori o`zgartirishlar kiritilib yangi miqdorlar belgilab o`tilde. Bunga asosan ishdan bo‘shatish nafaqasi xodim bilan mehnat shartnomasi alohida asoslarga ko‘ra bekor qilinganda xodimning ishdan mahrum bo‘lishi oqibatlarini yumshatish maqsadida amalga oshiriladigan, qonunchilikda, mehnat haqidagi boshqa huquqiy hujjatlarda, mehnat shartnomasida nazarda tutilgan bir yo‘la beriladigan pulli to‘lovdir.
Eng avvallambor ish beruvchi tomonidan qanday hollarda xodimlarga mehnat shartnomasi bekor qilinganda ishdan bo`shatish nafaqasi to`lab beriladi degan savolga oydinlik kiritib olsak; mehnat shartnomasi bekor qilinganda quyidagi hollarda ishdan bo‘shatish nafaqasi to‘lanadi:
ish beruvchining tashabbusiga ko‘ra, bundan shartnoma xodimning aybli harakatlari (harakatsizligi) bilan bog‘liq asoslar bo‘yicha bekor qilinganligi mustasno;
O`zbekiston Respublikasi Mehnat kodeksining 168-moddasi birinchi qismining 1, 2, 6 (tashkilotni tugatish qismida) va 9-bandlarida nazarda tutilgan taraflarning xohish-irodasiga bog‘liq bo‘lmagan holatlarga ko‘ra, bundan jismoniy shaxs bo‘lgan ish beruvchi muomalaga layoqatsiz deb eʼtirof etilgan hollar mustasno. Mehnat shartnomasi ushbu Kodeks 168-moddasi birinchi qismining 4 va 5-bandlariga muvofiq bekor qilinganda ishdan bo‘shatish nafaqasi to‘lanadi, bundan ishga qabul qilishning belgilangan qoidalari xodimning aybi bilan buzilgan (sudning muayyan lavozimlarni egallash yoki muayyan faoliyat bilan shug‘ullanish huquqidan mahrum etish to‘g‘risidagi hukmini yashirish, soxta hujjatlar taqdim etish va boshqalar) yoxud xodimning harakatlari qonunchilikka muvofiq yakka tartibdagi mehnatga oid munosabatlarni davom ettirishga to‘sqinlik qiladigan holatlarning yuzaga kelishiga olib kelgan hollar mustasno;
xodim yangi mehnat shartlarida ishni davom ettirishni rad etganligi munosabati bilan;
xodim tibbiy xulosaga muvofiq sog‘lig‘ining holatiga ko‘ra o‘ziga qarshi ko‘rsatma bo‘lmagan boshqa ishga o‘tkazishni rad etganligi yoxud ish beruvchida tegishli ish bo‘lmaganligi munosabati bilan;
xodim ish beruvchi bilan birga boshqa joydagi ishga ko‘chishni rad etganligi munosabati bilan;
xodim tashkilotning mulkdori almashganligi, uning qayta tashkil etilganligi, idoraviy taalluqliligi (bo‘ysunuvi) o‘zgarganligi munosabati bilan ishni davom ettirishni rad etganligi munosabati bilan.
Ishdan bo‘shatish nafaqasining miqdori mazkur ish beruvchidagi ish stajiga bog‘liq bo‘ladi va quyidagicha miqdorlarda xodimning ish stajiga qarab belgilanadi:
uch yilgacha ish stajiga ega bo‘lgan xodimlar uchun — o‘rtacha oylik ish haqining ellik foizidan;
uch yildan besh yilgacha ish stajiga ega bo‘lgan xodimlar uchun — o‘rtacha oylik ish haqining yetmish besh foizidan;
besh yildan o‘n yilgacha ish stajiga ega bo‘lgan xodimlar uchun — o‘rtacha oylik ish haqining yuz foizidan;
o‘n yildan o‘n besh yilgacha ish stajiga ega bo‘lgan xodimlar uchun — o‘rtacha oylik ish haqining bir yuz ellik foizidan;
o‘n besh yildan ortiq ish stajiga ega bo‘lgan xodimlar uchun — o‘rtacha oylik ish haqining ikki yuz foizidan kam bo‘lishi mumkin emas.
J.Yunusov,
Yangiqo`rg`on tuman yuridik xizmat
ko`rsatish markazi boshlig`i J.Yunusov
Янгиқўрғон туманидаги 61-сонли Оилавий шифокорлик пункти ишчи-ходимлари ўртасида ҳамкор ташкилотлар билан биргаликда “Жаҳолатга қарши маърифат” мавзусида тарғибот тадбири ташкил қилинди.
Мазкур тадбирда ёт ғоялар таъсирига берилмаслик, айниқса, ижтимоий тармоқлар имкониятидан оқилона фойдаланиш, унда айрим динни ниқоб қилиб олган кимсалар томонидан тарғиб этилаётган мазҳабсизлик, радикализм ва бошқа экстремистик ғоялардан ўзимизни ва фарзандларимизни ҳимоялаш, оилалар мустаҳкамлигини таъминлаш, соғлом муҳитни шакллантириш, жаҳолат қурбони бўлаётган ёшларни тўғри йўлга бошлаш борасидаги фикрлар илгари сурилди.
Суҳбат сўнггида мавзуга оид "Тинчлик қадри" видеоролиги намойиш қилинди.
Бу каби тадбирлар тумандаги барча корхона ва ташкилотларда давом этмоқда.
Янгиқўрғон туманида старт олган «Янги Ўзбекистон ёшлари, бирлашайлик!» шиори остидаги ёшлар фестивали гала-концертга уланиб, минглаб томошабинларга қувонч бағишлади.
Хушовоз хонандалари ижросидаги дил тортар қўшиқлар йиғилганларга хуш кайфият бағишлаб, барчани рақсга чорлади.
Турли кўнгилочар дастурларга бой ўтган гала-концерт барча иштирокчиларга олам-олам завқ улашди.
Янгиқўрғон тумани ҳокимлиги Ахборот хизмати
Ўзбекистон Республикаси Президентининг тегишли Фармони билан тасдиқланган “Рақамли Ўзбекистон - 2030” стратегияси ҳамда 2023 йил 24 майдаги ПҚ-162-сонли қарори билан давлат ходимлари, ёшлар, ижтимоий ҳимояга муҳтож аҳоли қатламларини ахборот технологиялари ва Ягона интерактив давлат хизматлари порталидан фойдаланишга ўқитиш чораларини кўриш белгиланган.
Юқоридагиларга асосан бугун Янгиқўрғон тумани ҳокимлигида Рақамли технологиялар вазирлиги ҳузуридаги “Рақамли ҳукумат лойиҳаларини бошқариш маркази” давлат муассасаси масъуллари томонидан Ягона интерактив давлат хизматлари портали (my.gov.uz)дан самарали фойдаланиш бўйича “My.gov.uz ҳаётий вазиятлар учун!” лойиҳаси доирасида тарғибот тадбири ўтказилди.
Унда маҳаллалардаги ёшлар етакчилари, туман мактаб ва мактабгача таълим бўлими кадрлар масалалари бўйича менежерлари ҳамда ташкилот ва муассасалар ўринбосарлари иштирок этдилар.
Янгиқўрғон тумани ҳокимлиги ахборот хизмати
Insonlar nega qaysidir vaziyatni suratga muhirlaydi? Suratlar aynan biror voqea yoki lahzani xotira sifatida saqlash yoki biror bir hodisa tafsilotini boshqalarga yetkazish uchun kerak, shunday emasmi?
Aholini ro‘yxatga olish ham huddi suratga tushishdek gap, faqat bunda davlatning ma’lum davrdagi demografik holati faktlashtiriladi. Ko‘pchilik mamlakatlarda har 10 yilda aholini ro‘yxatga olish o‘tkaziladi.
O‘zbekistonda so‘nggi marta aholini ro‘yxatga olish ishlari 1989 yilda o‘tkazilgan. Mustaqillik yillarida O‘zbekiston Respublikasida aholini ro‘yxatga olish o‘tkazilmagan. Mamlakatimiz aholi sonini aniq hisoblab chiqish ularning jinsi, yoshi, oilaviy ahvoli, ma’lumoti, turmush darajasi, yashash sharoiti, bandligi, millati, fuqaroligi hamda boshqa demografik, ijtimoiy-iqtisodiy xususiyatlari bo‘yicha yagona ma’lumotlar bazasini yaratish maqsadida, davlatimiz rahbari tomonidan “O‘zbekiston Respublikasida Aholini ro‘yhatga olishni o‘tkazish konsepsiyasini tasdiqlash to‘g‘risida” gi farmon imzolandi.
Aholini ro‘yxatga olish O‘zbekistonga qanday foyda keltiradi?
O‘zbekistonda aholini ro‘yxatga olish mamlakat fuqarolariga ijobiy ta’sir ko‘rsatadi bunga misol qilib maktab yoshidagi bolalar soni haqidagi ma’lumotlar maktab qurish bo‘yicha rejalarni muvofiqlashtirishga yordam beradi. Hududlar kesimida qayerda va qaysi sohada yangi ish o‘rinlariga ehtiyoj mavjudligi, qanday mutaxassislar kerakligini bilish uchun ishsizlar soni va ularning malaka darajasini bilish lozim. Favqulodda vaziyatlarda FVV xodimlari, shuningdek, shifokorlar aholini ro‘yxatga olish ma’lumotlari asosida zarur yordam ko‘lamini belgilaydi. Aholi soni va daromadi, uning turar-joyga bo‘lgan ehtiyoji to‘g‘risidagi ma’lumotlarga ega bo‘lgan holda, masalan, maishiy texnika ishlab chiqaradigan korxonalar ishlab chiqarish hajmini prognoz qilishlari mumkin, ularni import qiluvchi kompaniyalar esa xaridlarni rejalashtirishlari va zararni minimallashtirishlari mumkin. Aholini ro‘yxatga olish makroiqtisodiy ko‘rsatkichlarni kelgusi 10−20 yillik davrga prognoz qilish uchun ham zarur. Statistik ma’lumotlar manzilli dasturlarni ishlab chiqish, fuqarolar salomatligini mustahkamlash, oilalarga moddiy ko‘maklashishda muhim ahamiyatga ega.
Yangiqo‘rg‘on tuman
statistika bo‘limi.