Сўнгги янгиликлар
Янгиликлар
Айни кунларда аксарият ҳамюртларимиз янги ўқув йили олдидан фарзандларига кийим, ўқув қуроллари харид қилиш билан бандлар.
Ўзбекистон Республикаси Президентининг жорий йил 1 июндаги ПФ-82 сонли Фармонининг 14-бандига асосан ҳафтанинг ҳар жума куни "Меҳр ва саховат куни" этиб белгиланди.
Бугун, Янгиқўрғон туманидаги Маданият марказида “Сифатли таълим - кучли жамият” мавзусида туман мактабгача ва мактаб таълими тизимидаги муассасалар раҳбарлари ва педагог ходимларининг II Миллий форуми бўлиб ўтди. Унда тумандаги таълим муассасалари раҳбарлари, педагог ходимлари ва тарбиячилардан иборат таълим фидойилари иштирок этдилар.
Давлатимиз раҳбарининг Фарғона вилоятига ташрифлари чоғида мамлакатда иқлими узумчиликка мос туманлар кўплигини таъкидлаб, уларда ҳам Олтиариқ тажрибасини жорий қилиш, бу орқали ҳам халқ истеъмолини таъминлаш, ҳам экспорт орқали даромадини кўпайтириш бўйича кўрсатма берилган эди. Ва ушбу мақсадда жорий йилнинг 3 августида Ўзбекистон Республикаси Президентининг "2023-2026 йилларда узумчилик ва виночилик соҳасини янада ривожлантиришга қаратилган чора-тадбирлар тўғрисида"ги ПҚ-260-сонли қарори ҳам эълон қилинди.
Дарҳақиқат, томорқадан унумли фойдаланишни билган одам учун томорқа яхшигина даромад манбаи бўла олади.
Янгиқўрғонлик тадбиркор Ойбек Йўлдошев бундан 3 йил аввал енгни шимариб, ақл билан иш юритди ва томорқасининг 1 сотиҳ ер майдонида иссиқхона ташкил этди.
-Билганга томорқа кони фойда-, дейди О.Йўлдошев. -Ерга меҳр, ишлов берилса, дастурхон тўкин, рўзғор бут бўлишига амин бўлдим. Томорқа катта рўзғорни бемалол тебратади. 1 сотиҳли иссиқхонамизнинг ўзидан йилига 15 млн.га яқин даромад оламан. Унда етишаётган помидор қиш кунлари ҳам дастурхонимизни безаб туради.
Деҳқончиликнинг ҳадисини олган Ойбек аканинг гапида жон бор. Ернинг ҳар бир қаричини бўш қолдирмай, унумли фойдаланиб, озгина тер тўкилса, албатта меҳнат ўзи натижасини беради.
Ойбек Йўлдошев жорий йилда томорқасининг яна бир сотиҳида иссиқхона ташкил қилиб, брокколи кўчатларини экди. Мақсад - ундан ҳам юқори даромад олиш.
Булардан ташқари тадбиркорнинг томорқасида рўзғор учун зарур бўлган картошка, нўхот, қовоқ, сабзи, пиёз каби маҳсулотлар етиширилмоқда. Бу ўз навбатида рўзғорга барака киритибгина қолмай, фарзандларни меҳнат қилиб, ҳалол даромад топишга, саранжом-саришталикка ҳам ўргатади.
Суратда: О.Йўлдошев қизи Нозима билан ҳосил устида