Сўнгги янгиликлар
Янгиликлар
Нанай Маданият марказида куни кеча давлатимиз раҳбари томонидан ўтказилган йиғилишда берилган топшириқлар ижросини таъминлаш мақсадида "Сойбўйи", "Намуна", "Зарбдор" маҳаллалари фаоллари, нуронийлари ва аҳоли вакиллари билан учрашув бўлиб ўтди.
Давлат хизматини ривожлантириш агентлиги вилоят филиали раҳбари Шуҳрат Тўхтабаев, туман ҳокими Асадулло Нажмиддиновлар иштирокида бўлиб ўтган учрашувда ҳар бир хонадонда томорқа ва уй хўжаликларидаги имкониятларни тўлиқ ишга солиш орқали аҳоли даромадларини ошириш борасида фикр юритилди.
Хусусан, томорқадан самарали фойдаланиш, парранда, асалари оилаларини ташкил этиш, томорқа четларига терак қаламчаларини экиш, миграцияда юрганларни аниқлаш, уй хўжалигини ривожлантириш борасида белгиланган вазифалар етказилди.
Янгиқўрғон тумани ҳокимлиги ахборот хизмати
Янгиқўрғон тумани, "Ровут" маҳалласида яшовчи Раҳмонжон Усмонов гулчилар сулоласи вакили.
Аввалига пайвандлаш ишлари, ҳайдовчилик билан машғул бўлган Раҳмонжон акаси Неъматжон ака етиштираётган гулларга ишқи тушдию, томорқасининг 1 сотиҳ қисмида иссиқхона ташкил этди.
Кейинчалик асосан эстетик завқ улашувчи чечаклардан ҳам яхшигина даромад олиш мумкинлигини англаб, иссиқхонанинг ҳажмини 7 сотиҳгача оширади.
20 йилдан бери гулчиликда ас бўлиб кетган Раҳмонжон рафиқаси Гулчехра билан бугун цикламен, қора шахзода, бугенвиллия, фикус лирата, каланхоэ, бегония, пеларгония каби 40 турдан ортиқ нафис гулларни етиштиришмоқда.
Йилига 50 млн. дан 100 млн. сўмдан ортиқ даромад топаётган Р.Усмоновнинг гулларга тўла томорқасида бугун 4 нафар оила аъзоларидан ташқари яна 4 нафар ишчилар иш билан банд.
Янгиқўрғон тумани ҳокимлиги ахборот хизмати
Ўзбекистон Республикаси давлат
мадҳияси билан бошланган тадбир иштирокчиларга фахр-ифтихор туйғуларини бағишлади.
Маҳалладаги нуронийлар, мактаб жамоаси, мактаб ўқувчилари ва уларнинг ота-оналари, шу мактабда узоқ йиллар давомида ёшларга таълим-тарбия берган фахрий ўқитувчилар иштирок этдилар.
Тадбирда туман ҳокимининг маслаҳатчиси, "Нуроний" жамғармаси туман бўлими раиси М.Дедабоев "Уч авлод учрашуви"ни ўтказишнинг мақсади, юртимизда ёшларга берилаётган имкониятлардан фойдаланиб, келажакда бир касбни эгаллашларини таъкидлаб, одоб-ахлоқ, миллий урф-одат, ота-онага ва Ватанга садоқат ҳақида таҳлилий мисоллар келтирди, "мактаб - ота ва она - маҳалла" муносабатларини янада мустаҳкамланишига ишонч билдирди.
Мактаб ўқувчилари томонидан намойиш этилган бадиий чиқишлар учрашув иштирокчиларига кўтаринки кайфият бағишлади.
Тадбир давомида фахрий ўқитувчиларга, мактабда аъло баҳоларга ўқиб келаётган 5 нафар ўқувчиларнинг ота-оналарига туман ҳокими, васийлик Кенгаши раиси А.Нажмиддиновнинг "Ташаккурнома"си, ўқувчиларга китоблар жамламаси совға қилинди.
Ушбу тадбирга ҳамоҳанг равишда ўтказилган "Заковат" беллашувида "Мўғол" қишлоғини келиб чиқиш тарихи бўйича берилган саволга тадбиркор М.Шодманов тўғри жавоб бериб, эътирофга сазовор бўлди.
Тадбир давомида шу қишлоқда яшаб, кўп йиллар ёшларга таълим берган, ҳозирда кексалик гаштини сураётган Эсонбой Давлатов отанинг 90 ёшлари билан муборакбод этиб, хонадонларига борилди ва туман ҳокими, "Нуроний" жамғармаси васийлик Кенгаши раисининг "Ташаккурномаси" топширилди.
Янгиқўрғон тумани ҳокимлиги ахборот хизмати
Shaxsga doir ma’lumotlarni yig‘ish respondentlar yashaydigan (turadigan) turar joylarni va boshqa xonalarni aylanib chiqish chog‘ida yoxud mahalliy ijro etuvchi hokimiyat organlari tomonidan ushbu maqsadlar uchun beriladigan xonalarda respondentlar so‘rovini o‘tkazish hamda ro‘yxatga olish varaqlarini to‘ldirish orqali amalga oshiriladi.
Shaxsga doir ma’lumotlarni yig‘ish axborot xavfsizligini ta’minlash talablarini hisobga olgan holda axborot-kommunikatsiya texnologiyalaridan foydalanish orqali ham amalga oshirilishi mumkin.
Respondentlar so‘rovi davlat tilida o‘tkaziladi. Davlat tilini bilmaydigan respondentlar ona tilida yoki erkin ravishda tanlangan muloqot tilida so‘rovdan o‘tkazilishi mumkin.
Ro‘yxatga olish varaqlari ro‘yxatga oluvchi xodimlar tomonidan respondentlarning so‘zlari asosida to‘ldiriladi.
Aholini ro‘yxatga olishni o‘tkazish muddati ichida yashash (turgan) joyida hozir bo‘lmagan yoki voyaga yetmagan shaxslar bo‘lgan respondentlar to‘g‘risidagi shaxsga doir ma’lumotlar ular uy xo‘jaligining voyaga yetgan a’zolari tomonidan ma’lum qilinadi. O‘ziga nisbatan vasiylik yoki homiylik belgilangan shaxslar to‘g‘risidagi shaxsga doir ma’lumotlar ularning vasiylari yoxud homiylari tomonidan ma’lum qilinadi.
Respondent ro‘yxatga olish varag‘idagi savollarga javob berishni rad etgan taqdirda ro‘yxatga olish varag‘i fuqarolarning o‘zini o‘zi boshqarish organlaridagi yoki mahalliy davlat hokimiyati organlaridagi mavjud ma’lumotlar asosida to‘ldiriladi.
Aholini ro‘yxatga olish dasturida nazarda tutilmagan savollar bo‘yicha shaxsga doir ma’lumotlarni yig‘ish ta‘qiqlanadi.
Aholining ayrim toifalariga nisbatan shaxsga doir ma’lumotlarni yig‘ish
Aholini ro‘yxatga olishni o‘tkazish sanasida chaqiruv asosida muddatli harbiy xizmatni o‘tayotgan harbiy xizmatchilar bo‘lgan, shuningdek kontrakt bo‘yicha harbiy xizmatga jalb etilgan harbiy xizmatchilar bo‘lgan va ularning yopiq hududlarda yashayotgan oila a’zosi bo‘lgan respondentlar haqidagi shaxsga doir ma’lumotlarni yig‘ish harbiy qism komandiri yoki u vakolat bergan shaxs tomonidan amalga oshiriladi.
Aholini ro‘yxatga olishni o‘tkazish sanasida:
bolalar internatlarida, tarbiya muassasalarida, “Bolalar shaharchalari”da;
ijtimoiy muassasalarda;
diniy muassasalarda;
shifoxonalarda va boshqa sog‘liqni saqlash tashkilotlarida;
qamoqda saqlash joylarida, tergov hibsxonasida, axloq tuzatish muassasalarida va maxsus muassasalarda yashayotgan (bo‘lgan) respondentlar to‘g‘risidagi shaxsga doir ma’lumotlarni yig‘ish ushbu qismda nazarda tutilgan muassasalar hamda tashkilotlar ma’muriyatlari tomonidan amalga oshiriladi.
O‘zbekiston Respublikasining diplomatik vakolatxonalari va konsullik muassasalari, shuningdek O‘zbekiston Respublikasining xalqaro tashkilotlar huzuridagi vakolatxonalari xodimlari bo‘lgan O‘zbekiston Respublikasi fuqarolari hamda ularning o‘zi bilan birga bo‘lgan oila a’zolari, shu jumladan O‘zbekiston Respublikasi Tashqi ishlar vazirligi tomonidan xalqaro hukumatlararo tashkilotlardagi kvotalangan lavozimlarga yuborilgan fuqarolar O‘zbekiston Respublikasi Tashqi ishlar vazirligi tomonidan ro‘yxatga olinishi lozim.
O‘zbekiston Respublikasi Tashqi ishlar vazirligida akkreditatsiya qilingan chet davlatlar doimiy vakolatxonalarining, xalqaro, hukumatlararo tashkilotlar va chet davlatlar hukumat tashkilotlari vakolatxonalarining xodimlari bo‘lgan chet el fuqarolari hamda ularning oila a’zolari, shuningdek O‘zbekiston Respublikasining xalqaro shartnomalariga muvofiq diplomatik imtiyozlarga va immunitetga ega bo‘lgan boshqa shaxslar ro‘yxatga olinmaydi.
Қабулни туман ҳокимининг ўринбосари Нигора Абдураҳмонова, Маҳалла уюшмаси туман бўлими раҳбари Комилжон Усмановлар олиб борди.
Унда "Оқтом" ҳамда "Мўғол" маҳаллаларининг фуқаролари ўзларини қийнаётган масалалар юзасидан мурожаат қилдилар.
Хусусан, ичимлик ва экинларни суғориш учун сув, фарзандига таълим контрактини тўлаш, чегара, ички йўлларни таъмирлаш каби масалалар юзасидан бўлган мурожаатлар тегишлилиги бўйича мутасаддиларга йўналтирилди ва назоратга олинди.
Янгиқўрғон тумани ҳокимлиги Ахборот хизмати