Сўнгги янгиликлар
Янгиликлар
Донолар айтганидек, дунёда аёл меҳрининг баҳосини ўлчайдиган мезон, тенглаштирадиган бойлик йўқ. Аёл деган улуғ хилқатда нозик таъб, буюк қалб, назокатли кўнгил, бетакрор фидоийлик, она жасорати мужассамлиги натижасидир.
Шу боис ҳам энг гўзал ойнинг энг нафис байрами - хотин-қизларга бағишлангандир, эҳтимол.
Бугун Янгиқўрғон тумани Маданият марказида 8 март - Халқаро хотин-қизлар байрами муносабати билан тантанали тадбир бўлиб ўтди.
Унда турли соҳаларда туманимиз ривожига ҳисса қўшаётган фаол аёллар, фахрийлар, уй бекалари иштирок этдилар.
Тадбирда туман ҳокими биринчи ўринбосари Баҳодир Кўпайсинов, туман Оила ва хотин-қизлар бўлими бошлиғи Нигорхон Абдураҳмоновалар аёлларнинг жамиятдаги, оиладаги ўрни, ютуқларини эътироф этиб, айём билан муборакбод этдилар.
Туман Маданият марказининг хушовоз хонандалари томонидан ижро этилган куй-қўшиқ, раққосалар хироми тадбирга янада кўтаринкилик бахш этди.
Янгиқўрғон тумани ҳокимлиги Ахборот хизмати
Бугун Янгиқўрғон туман 3-сектор ҳудудида туман ҳокимлиги, Камбағалликни қисқартириш ва бандликка кўмаклашиш бўлими ҳамкорлигида ташкил этилган “Бўш иш ўринлар меҳнат ярмаркаси”да тумандаги мавжуд корхоналар 211 та бўш (вакант) иш ўринлари билан иштирок этдилар.
Меҳнат ярмаркасида ишсиз аёллар ва ногиронлиги бўлган, банд бўлмаган фуқаролардан 60 нафарига турли йўналишлар бўйича йўлланмалар берилди.
Хусусан, уларнинг 17 нафарига маъқул келган бўш иш ўринларига (7 нафари ёшлар), 43 нафарига касбга қайта ўқитишга (шундан 15 нафари ёшлар ва 3 нафари 2-гуруҳ ногирони) йўлланмалар берилди.
Шу билан бирга "Аёллар дафтари"да рўйхатда турган 2 нафар фуқароларга субсидия асосида тикув мошиналар берилди.
Ярмаркада иштирок этган фуқароларга меҳнат қонунчилиги бўйича ўз тадбиркорлик фаолиятини йўлга қўйиш ҳамда касаначи сифатида аъзо бўлиб, уй шароитида оилавий даромадларини ошириш, тижорат банклари томонидан кредит ажратиш бўйича тушунтиришлар берилди.
Янгиқўрғон тумани ҳокимлиги ахборот хизмати
Янгиқўрғон туманида маҳалла раисларининг илғор тажрибаларини оммалаштириш, тизим ходимларининг фаолият самарадорлигини ошириш ҳамда намунали маҳаллалар доирасини кенгайтириш, маҳаллий давлат ҳокимияти органлари ва нодавлат нотижорат ташкилотлар билан ижтимоий шериклик муносабатларини янада кучайтириш, ўз фаолиятида сезиларли ютуқларга эришаётган маҳалла раисларини рағбатлантириш мақсадида “Энг намунали маҳалла раиси” танлови бўлиб ўтди.
Ушбу танловда секторлар босқичида ғолиб бўлган 4 нафар маҳалла раислари 3 та шарт бўйича беллашдилар.
Туман босқичини якуни бўйича ҳакамлар ҳайъати томонидан 1-ўринга “Қизилёзи” маҳалласи раиси Жаҳонгир Ёқубжанов, 2-ўринга “Баркамол” маҳалласи раиси Олимжон Тошпўлатов, 3-ўринга “Туман” маҳалласи раиси Кимсанбой Қаюмовлар лойиқ деб топилди.
Барча ғолиблар ташкилий қўмита томонидан 1,2,3-даражали диплом ва 3 млн. сўм маблағ миқдорида пул мукофоти билан тақдирландилар.
Янгиқўрғон тумани ҳокимлиги ахборот хизмати
"Нов" маҳалласидаги 48-умумтаълим мактабида "Ҳоким ва ёшлар учрашуви" бўлиб ўтди.
Учрашувда туман ҳокими Асадулло Нажмиддинов ёшларни қийнаётган муаммоларни ўрганди.
Учрашув давомида ёшлардан К-савдони йўлга қўйиш, мактабда кимё фанида фойдаланиш учун зарур бўлган реактивлар билан таъминлаш, жамоатчилик асосида ишга жойлашиш бўйича мурожаатлар келиб тушди.
Мурожаатлар тегишлилиги юзасидан соҳа раҳбарларига йўналтирилди ва назоратга олинди.
Янгиқўрғон тумани ҳокимлиги Ахборот хизмати
Янгиқўрғон тумани ҳокимлигида бўлиб ўтган йиғилишда ташкилот раҳбарлари, тадбиркорлар иштирок этдилар.
Йиғилишда SL-Solar energy Жанубий Корея технологияси асосида Хитойда ишлаб чиқарилган қуёш панеллари ўрнатувчи хорижий корхона вакилларининг тақдимоти тингланди.
Йиғилишда туман ҳокими Асадулло Нажмиддинов айни кунда мамлакатимиз бўйлаб муқобил энергия манбаи ўрнатиш борасида олиб борилаётган амалий ишлар ҳақида тўхталиб, бу йўналишдаги ишларни янада жадаллаштириш бўйича кўрсатмалар берди.