Сўнгги янгиликлар
Янгиликлар
Янгиқўрғон тумани 3-сектор ҳудудида туман ҳокимлиги, Камбағалликни қисқартириш ва бандликка кўмаклашиш бўлими ҳамда "Инсон" ижтимоий хизматлари маркази ҳамкорлигида “Бўш иш ўринлар меҳнат ярмаркаси” ўтказилди.
Мазкур ярмаркага тумандаги корхоналар жалб этилиб, ўзларида мавжуд бўлган 141 та бўш (вакант) иш ўринлари ҳамда ишлаб чиқарилган маҳсулотларидан намуналар билан иштирок этдилар.
Меҳнат ярмаркасида ишсиз ва ногиронлиги бўлган ҳамда банд бўлмаган фуқаролардан 15 нафарига турли йўналишлар бўйича йўлланмалар берилди. Шундан 1 нафар 2-гуруҳ ногиронлиги бўлган фуқарога маъқул келган бўш иш ўринларига, 14 нафарига касбга қайта ўқитишга (шундан 2 нафари 2-гуруҳ ногирони) йўлланмалар берилди.
Шунингдек, ярмаркада иштирок этган фуқароларга меҳнат қонунчилиги бўйича ва ўз тадбиркорлик фаолиятини йўлга қўйиш ҳамда касаначи сифатида аъзо бўлиб, уй шароитида оилавий даромадларини ошириш, тижорат банклари томонидан кредит ажратиш бўйича тушунтиришлар берилди.
Янгиқўрғон тумани ҳокими Асадулло Нажмиддинов Ўзбекистон Республикаси Президентининг соврини учун "Хорижий тилларни ўқитиш бўйича энг яхши мактаб" танловининг туман босқичи ғолибларини рағбатлантирди.
Куни кеча бўлиб ўтган танлов якунларига кўра, 10-умумтаълим мактаби ўқитувчилари ва ўқувчиларидан иборат жамоа инглиз тили фанидан фаол иштирок этиб, 1-ўринни эгаллади ва 100 млн. сўм маблағни қўлга киритди.
Танловда, шунингдек, 15-умумтаълим мактаби жамоаси 75 млн. сўм (инглиз тили, 2-ўрин) ҳамда 16-умумтаълим мактаби жамоаси 50 млн. сўм маблағни (француз тили, 3-ўрин) қўлга киритдилар.
Янгиқўрғон тумани ҳокимлиги ахборот хизмати
Янгиқўрғон тумани ҳокимлиги Оила ва хотин-қизлар бўлими томонидан оилавий низолар ва ажримларнинг олдини олиш мақсадида “Оила-муқаддас қўрғон” шиори остида навбатдаги "Яраштириш куни" ўтказилди.
"Яраштириш куни" да 12 та оилавий масала кўрилиб, улардан 5 тасини яраштиришга эришилди.
Қолган 7 та оилага белгиланган тартибда муддат берилди.
Яраштиришда туман ҳокими А.Нажмиддинов, туман ҳокими ўринбосари, Оила ва хотин-қизлар бўлими бошлиғи Н.Абдураҳманова, ҳарбий психолог Д.Исроилов, Фуқаролик ишлари бўйича Янгиқўрғон туманлараро суди раиси С.Юлчиева, туман ИИБ хотин-қизлар масалалари бўйича катта инспектор, подполковник Г. Чубаева, туман ФҲДЁ бўлими масъуллари ва диний идора вакиллари, Камбағалликни қисқартириш ва бандлик бўлими масъул ходими ҳамда бошқа ҳамкор ташкилотлар вакиллари қатнашдилар.
Яраштириш тадбирида ажримларнинг олдини олишга бағишланган видеоролик ҳам намойиш этилди.
Туманда фаолият олиб бораётган республика ишчи гуруҳи вакиллари айни дамда "Қизилёзи" маҳалласи еттилиги билан суҳбатлашиб, уларнинг фаолияти, келгусидаги режалари, тажрибаси, маҳалла драйвери билан танишмоқда.
Ишчи гуруҳи вакиллари, шунингдек, тадбиркорлик билан шуғулланиш истагида бўлган аҳоли хонадонларида бўлиб, уларнинг режаларини ҳам ўрганмоқдалар.
Бугун Янгиқўрғон Маданият марказида Ўзбекистон “Ветеран” жангчи-фахрий ва ногиронлари бирлашмаси ташкил этилганининг 30 йиллиги ҳамда чекланган контингент қўшинларини Афғонистондан олиб чиқилган куннинг 35 йиллиги муносабати билан байрам тадбири бўлиб ўтди.
Қарийб ўн йил давом этган афғон урушида иштирок этган янгиқўрғонлик жангчиларнинг 343 нафари ота-оналари бағрига соғ-омон қайтиб келган. Айн кнуларда уларнинг 248 нафари Янгиқўрғонда истиқомат қилишади.
Янгиқўрғон тумани ҳокимлиги ҳамда Ўзбекистон “Veteran” жангчи-фахрий ва ногиронлари бирлашмаси туман бўлими, мутасадди ташкилотлар ҳамкорлигида ташкил этилган мазкур тадбирда афғон уруши қатнашчилари, фахрийлар ҳамда кенг жамоатчилик иштирок этди. Дастлаб жангчи-фахрийларга туман ҳокими А.Нажмиддиновнинг табрига ўқиб, эшиттирилди, "Ташаккурнома"лари топширилди.
Тадбирда жангчи-фахрийларнинг элу юрт ва ёш авлод олдидаги хизматлари эътироф этилди.
Уларнинг мардлиги ва жасорати, шижоати, Ватанга бўлган меҳр-муҳаббати, содиқлиги келажак авлодга ҳамиша ўрнак ва намуна бўлиб қолиши таъкидланди.
Шундан сўнг байналмилал жангчилар туман марказидаги Мотамсаро она ҳайкали пойига гулчамбарлар қўйишди.
Шунингдек, ташкил этилган байрам дастурхони атрофида қуролдошлар мириқиб суҳбатлашдилар.
Тадбирда “Veteran” бирлашмаси фаоллари ҳамда байналмилалчи жангчи-фахрийларга эсдалик совғалари топширилди.
Санъаткорлар ижросидаги дилтортар қўшиқлар эса иштирокчилар қалбига ўзгача завқ бағишлади.
"Уч авлод учрашуви" тарзида ўтган тадбирда 9201-сонли ҳарбий қисм томонидан қурол-яроқ кўргазмаси ҳам ташкил этилди.
Янгиқўрғон тумани ахборот хизмати