Сўнгги янгиликлар
Янгиликлар
Айни кунларда Янгиқўрғон туманида ғалла майдонларини азотли минерал ўғитлар билан баҳорги 1-озиқлантириш ишлари олиб борилмоқда.
Шу кунгача парвариш қилинаётган 2676 гектар ғалла майдонларининг 2061 гектари, яъни 77 фоизи ана шундай ўғитлар билан озиқлантирилди.
Республика ҳарбий прокурори бошчилигидаги ишчи гуруҳи Янгиқўрғон туманининг чегара ҳудудларида бўлди
Хусусан, "Қизилёзи" маҳалласи еттилиги билан учрашган ишчи гуруҳи вакиллари мамлакатимиз раҳбари бошчилигида жорий йил 12 январда бўлиб ўтган видеоселекторда берилган вазифалар ижроси юзасидан олиб борилган ишлар билан танишди.
Хусусан, ёшларни ватанпарварлик руҳида тарбиялаш, ҳуқуқни муҳофаза килиш органлари томонидан 185 нафар оғир тоифадаги, ҳуқуқбузарлик содир этишга мойил ёшларни оталиққа олингани борасида олиб борилган ишларни ўргандилар.
Ишчи гуруҳи вакиллари чегара ҳудуд Мамай маҳалласида жойлашган 32-умумтаълим мактабида бўлдилар.
Мактабда "Икки тил, битта касб" тамойили асосида ўқувчиларга касб-хунар, инглиз ва рус тиллари ўргатилмоқда.
Шунингдек, "Ватан таянчи" болалар ва ўсмирлар ҳарбий ватанпарварлик ҳаракатига 98 нафар ўқувчилар жалб этилди.
"Жадидлар" мусобақасида ғолиб бўлган ўқувчилар билан ўтган суҳбат бугун ёшлар борасида олиб борилаётган сиёсат ўзини оқлаётганини исботлади.
Muhtaram Prezidentimiz tomonidan o‘tkazilgan Respublika Ma’naviyat va ma’rifat kengashining kengaytirilgan yig‘ilishida barchamiz uchun ustuvor ahamiyatga ega bo‘lgan ilm-fan, ta’lim va tarbiya, ma’naviy-ma’rifiy sohalardagi dolzarb vazifalar belgilab berildi.
Yangiqo‘rg‘on tumanidagi 41-umumta’lim maktabida “Salmon” mahallasi faollari, nuroniylar, xotin-qizlar va yoshlarga davlat rahbarining murojaati, unda belgilab berilgan vazifalar ijrosiga bag‘ishlangan “Yangi ma’naviy makon va ma’rifatli jamiyat”, “Jaholatga qarshi ma’rifat” mavzusida ma’naviy-ma’rifiy tadbir tashkil etildi.
Zero, yurtboshimiz tomonidan ta’kidlangan va amalga oshirilishi lozim bo‘lgan vazifalar kundalik hayotimizning bosh shioriga aylanishi lozim:
- “Bugun ma’naviyat boshqa sohalardan o‘n qadam oldinda yurishi, ma’naviyat yangi kuchga, yangi harakatga aylanishi kerak”;
- “Agar biz ma’naviy boy bo‘lmasak, ko‘zlangan maqsadga erisha olmaymiz”;
- “Aholi, ayniqsa yoshlar ongini o‘zgartirish uchun bel bog‘lashimiz zarur”;
- “Qalbi va ongi bolalikdan “halollik vaksinasi” bilan emlangan yangi avlodni kamolotga etkazishimiz lozim”.
- “Hozirgi zamonda ma’naviy nuqtai nazardan “uxlab yotish”ga, loqayd bo‘lishga hech kimning haqqi yo‘q. Barcha fojia va muammolar, Vatanga, millatga, kelajakka xiyonat aynan loqaydlikdan boshlanadi”.
Tadbirda mahalla tizimiga daxldor bo‘lgan ustuvor vazifalarni har bir mahalla raisi mahalla faollariga, ko‘chaboshi va uyboshilarga etkazishi va ular tomonidan aholi o‘rtasida keng targ‘ibot qilishlari alohida ta’kidlab o‘tildi. Va maxsus videorolik namoyish etildi.
Куннинг иккинчи ярмида Мамай ҳамда "Олмазор" маҳалласи ёшлари иштирокида "Ҳоким ва ёшлар учрашуви" бўлиб ўтди.
Унда ёшлар ўзларини қийнаётган масалалар юзасидан туман раҳбари Асадулло Нажмиддиновга мурожаат қилдилар. Мурожаатларга атрофлича ўрганилиб, ечим қилиш чоралари кўрилди.
А.Нажмиддинов, шунингдек, вилоят ҳокимлиги ҳамда Ўзбекистон Ёшлар иттифоқи вилоят Кенгашининг ташаббуси билан "Жадидлар" мусобақасининг туман босқичида 1-ўринни қўлга киритган 32-умумтаълим мактабининг намунали ўқувчилари билан самимий суҳбатлашди. Уларнинг қизиқишлари, интилишлари ва ютуқлари билан қизиқди.
Шунингдек, мактабнинг спорт залида ўқувчилар, маҳалла ёшлари шуғулланаётган кураш тўгарак фаолияти билан танишди.
Аввал хабар берганимиздек, жорий йилда Инвестиция дастури бўйича Янгиқўрғон туманида 10 та объектда қурилиш-таъмирлаш ишлари амалга оширилиши белгиланган.
Хусусан, "Қизилқиёқ" маҳалласида жойлашган 4-умумтаълим мактабида ҳам 8 млрд. 983 млн. сўм ҳисобига қўшимча бино қурилади.
Бугун туман ҳокими Асадулло Нажмиддинов мазкур илм даргоҳида бўлиб, мактабда аввал "Опен бюджет" лойиҳаси асосида амалга оширилган ишлар билан танишди.
Маҳалла фаоллари, оқсоқоллари билан бўлиб ўтган учрашувда туман раҳбари сўнгги йилларда туманимизда аҳолининг фаровон турмуш кечириш учун бажарилган ишлар кўлами ҳақида тўхталди. Бунга жавобан фуқаролар томонидан ҳам жойларда ободончилик ишлари олиб борилиши мақсадга мувофиқлигини таъкидлади.
Янгиқўрғон тумани ҳокимлиги ахборот хизмати