Сўнгги янгиликлар
Янгиликлар
Тиббиёт ходимлари куни муносабати билан Янгиқўрғон туман Маданият марказида тантанали тадбир ташкил этилди.
Тадбирни Янгиқўрғон тумани ҳокими Асадулло Нажмиддинов табрик сўзи билан очиб бериб, тиббиёт ходимларининг машаққатли меҳнатларини эътироф этди.
"Нуроний" жамғармаси туман бўлими билан ҳамкорликда, "Уч авлод учрашуви" тарзида ташкил этилган тадбирда фахрий шифокорларга ҳамда марҳум тиббиёт ходимлари хотирланиб, эсдалик совғалари билан тақдирландилар.
Шунингдек, туман Тиббиёт бирлашмаси бош шифокори Лайлохон Ахмедова ҳозирда намунали фаолият юритаётган шифокорлар, ўрта ва кичик тиббиёт ходимларини сана билан муборакбод этиб, туман ва вилоят мутасадди ташкилотларининг, Тиббиёт ходимлари касаба уюшмасининг Фахрий ёрлиқлари, эсдалик совғалари ва пул мукофотлари билан тақдирлади.
Тадбирда Юртбошимиз томонидан тиббиёт ходимлари куни муносабати билан мукофотланганлар орасида "Дўстлик» ордени билан тақдирланган Янгиқўрғон тумани тиббиёт бирлашмасининг «Нанай» ҳудудий бўлими болалар шифокори Жуманазарова Асилхонни туман ҳокими А.Нажмиддинов муборакбод этди.
Тадбир давомида ўз даврида фидоийлик, жонкуярлик билан аҳоли саломатлиги йўлида меҳнат марҳум шифокорлар ҳақида видеоролик намойиш этилди.
Туман Маданият маркази ходимлари томонидан ҳозирланган байрам дастури тадбир иштирокчиларига янада кўтаринкилик бахш этди.
Якунда тадбир иштирокчилари бир пиёла чой устида касб байрамларини нишонлашда давом этдилар.
Туман ҳокимлиги Ахборот хизмати
Мамлакатимиз бўйлаб кенг кўламда ўтказилаётган "Яшил макон" умуммиллий лойиҳасида ҳуқуқни муҳофаза қилиш идора ходимлари ҳам фаол иштирок этмоқдалар.
Бугун Янгиқўрғон туманидаги "Эски ер" сув омбори ўрмон хўжалиги бўлими ҳудудидаги 3 гектар ер майдонида "Яшил макон" умуммиллий лойиҳаси доирасида кўчат экиш акцияси ташкил этилди.
Акцияда Янгиқўрғон, Чортоқ, Янги Наманган туманлари ва Наманган шаҳар прокуратуралари ҳамда Янгиқўрғон туман Экология, атроф-муҳитни муҳофаза қилиш ва иқлим ўзгариши инспекцияси бўлимлари ходимлари қатнашиб, юртимизда яшил маконлар яратишга ўз ҳиссаларини қўшдилар.
Акцияда 2000 тупдан ортиқ мевали ва манзарали дарахт кўчатлари ўтқазилди.
Сессияни туман Кенгашининг раиси Асадулло Нажмиддинов очиб берди.
Кун тартибидаги биринчи масала юзасидан туман ҳокимининг қишлоқ ва сув хўжалиги масалалари бўйича ўринбосари М.Саидахмедов туманда қишлоқ хўжалиги соҳасидаги муҳим вазифалар, чора-тадбирлар ва аҳолини асосий турдаги озиқ-овқат маҳсулотлари билан таъминлаш бўйича амалга оширилган ишлар тўғрисида ҳисобот берди.
Сессиядаги иккинчи масала, яъни туманда куз-қиш мавсумини беталофат ўтказиш бўйича амалга оширилаётган ишлар тўғрисида туман ҳокимининг ўринбосари Ф.Тўлабоев маълумот берди.
Янгиқўрғон туман Экология, атроф-муҳитни муҳофаза қилиш ва иқлим ўзгариши инспекцияси инспектори О.Жўрабоев туманда "Яшил макон" умуммиллий лойиҳаси доирасида қилинаётган ишлар тўғрисида сўз юритди.
Сессияда, шунингдек, туман Кенгаши депутати М.Джўрабоев айрим қарорларни бекор қилиниши юзасидан таклиф киритди.
Ўзбекистон республикаси Президентининг 2022 йил 7 мартдаги ПФ-87-сон Фармонининг 2-иловаси комплекс чора-тадбирлар режасининг 48.2-бандида “Давлат ва жамият ҳаётида фаол иштирок этаётган ибратли, фаол хотин-қизларни аниқлаш, уларнинг фаолиятини кенг тарғиб этиш мақсадида “Йил аёли” миллий танловини ўтказиш” белгиланган.
Ma‘naviyat karvoni - Yangiq‘o‘rg‘onda
Tumanning chekka chegaraoldi mahallalarida DXX Chegara qo‘shinlari hamda Respublika Ma'naviyat va ma'rifat markazi tomonidan "Chegaraoldi mahallalardagi yoshlarni turli yot g‘oyalar girdobiga tushib qolishining oldini olish, ularni Vatanga muhabbat, milliy va umuminsoniy qadriyat hamda an'analarga hurmat, istiqlol g‘oyalariga sadoqat ruhida tarbiyalash maqsadida respublikamizning olis chegaraoldi hududlarida "Vatan ostonasi" shiori ostida ma'naviy-ma'rifiy tadbirlar tashkil etish bo‘yicha yo‘l xaritasiga binoan Yangiqo‘rg‘on tumanida joylashgan Ko‘kyor Madaniyat markazida “Vatan ostonasi!” shiori ostida “Ma’naviyat festivali” o‘tkazildi.